SAJAK KEUR ANJEUN
: Abah Sarjang
: Abah Sarjang
Lamun seug kuring jadi anjeun, Geulis
Asa rék capé
Taun-taun leumpang bari tara dipaliré
Babarengan tapi dianggap teu aya
Ngaheuyeuk dayeuh anu teu reureuh paciweuh
Silih sikut silih réngkas, silih peruhkeun mamaras
Ngadu taktik ngadu intrik ngadu wewesén pulitik
Ngorowot saban paisan rebutan ajang hancengan
Sedeng anjeun tonggoy leumpang
Teu galideur ku nu lieur
Satuhu kana pangwengku
Napak na léngkah papagon
Nyabaan saban panggentra
Rék jeung cacah rék jeung ménak
Kanyaah atra walatra
Sanajan kudu sésélékét
Mapay jalan jeung gang heureut
Anjeun teu weléh nganjogan
Nyumpingan saban pangulem
Najan enya sakapeung sok kabaca
Rembesna cimata, sumoréangna trésna
Nu teu kungsi kalisankeun
Ngembeng dina liliuh teutep
Keun, da mangsa mah tara sulaya
Bilih ikhlas nu ku anjeun dipelak
Di unggal tegalan rasa
Baris kaala buahna di alam jaga
Lamun seug kuring jadi anjeun, Geulis
Moal kagok nunda sakabéh kanyaah
Ngarumat sawah-sawah
Nu kiwari kakeueum limbah
Ngaropéa patani jeung pamayang
Nu hirupna kari hitut reujeung tulang
Singraykeun teduh bangbaluh
Nu ngarungkupkeun tenung hariwang
Kuring neundeun salaksa harepan
Anjeun sing jadi sumirat cahya
Cacaang lemah Karawang
Asa rék capé
Taun-taun leumpang bari tara dipaliré
Babarengan tapi dianggap teu aya
Ngaheuyeuk dayeuh anu teu reureuh paciweuh
Silih sikut silih réngkas, silih peruhkeun mamaras
Ngadu taktik ngadu intrik ngadu wewesén pulitik
Ngorowot saban paisan rebutan ajang hancengan
Sedeng anjeun tonggoy leumpang
Teu galideur ku nu lieur
Satuhu kana pangwengku
Napak na léngkah papagon
Nyabaan saban panggentra
Rék jeung cacah rék jeung ménak
Kanyaah atra walatra
Sanajan kudu sésélékét
Mapay jalan jeung gang heureut
Anjeun teu weléh nganjogan
Nyumpingan saban pangulem
Najan enya sakapeung sok kabaca
Rembesna cimata, sumoréangna trésna
Nu teu kungsi kalisankeun
Ngembeng dina liliuh teutep
Keun, da mangsa mah tara sulaya
Bilih ikhlas nu ku anjeun dipelak
Di unggal tegalan rasa
Baris kaala buahna di alam jaga
Lamun seug kuring jadi anjeun, Geulis
Moal kagok nunda sakabéh kanyaah
Ngarumat sawah-sawah
Nu kiwari kakeueum limbah
Ngaropéa patani jeung pamayang
Nu hirupna kari hitut reujeung tulang
Singraykeun teduh bangbaluh
Nu ngarungkupkeun tenung hariwang
Kuring neundeun salaksa harepan
Anjeun sing jadi sumirat cahya
Cacaang lemah Karawang
Posting Komentar